ಗ್ರಾಮಾಂತರ ಪ್ರದೇಶದ ಬಂಧುಗಳು ಮತ್ತು ಬಂದಂತಹ ಬಡ ವಿದ್ಯಾರ್ಥಿಗಳಿಗೆ ಪಾಂಚರಾತ್ರಾಗಮ, ಪದವಿ, ಪದವಿ ಪೂರ್ವ, ಸ್ನಾತಕೋತ್ತರ, ತಾಂತ್ರಿಕಪದವಿ, ಐಟಿಐ ಮತ್ತು ಡಿಪ್ಲೋಮೋ ವ್ಯಾಸಂಗವನ್ನು ಮುಂದುವರಿಸಲು ವಿದ್ಯಾರ್ಥಿಗಳ ಉಚಿತ ಊಟ ಮತ್ತು ವಸತಿ ಸೌಕರ್ಯಕ್ಕಾಗಿ ಶ್ರೀವೈಷ್ಣವ ಸಂಘದ ವತಿಯಿಂದ ಶ್ರೀ ವಿಷ್ಣು ಚಿತ್ತವಿದ್ಯಾರ್ಥಿ ನಿಲಯವನ್ನು 1989ನೇ ಇಸವಿ ಜುಲೈ ತಿಂಗಳಲ್ಲಿ ಪ್ರಾರಂಭಿಸಲಾಯಿತು.

 ಸಂಘದ ಈ ಕಾರ್ಯಕ್ಕಾಗಿ ಸಮಿತಿ ಸದಸ್ಯರು ಹಾಗೂ ಪದಾಧಿಕಾರಿಗಳು, ವಿದ್ಯಾರ್ಥಿಗಳಿಗೆ ಬೇಕಾಗುವ ಊಟ ವಸತಿ ಮತ್ತು ಸೌಕರ್ಯಗಳ ನಿರ್ವಹಣೆಗೆ ಬೇಕಾಗುವ ಸಂಪನ್ಮೂಲಗಳನ್ನು ಒದಗಿಸಲು ಕಂಕಣಬದ್ಧರಾಗಿ ದುಡಿಯುತ್ತಿದ್ದಾರೆ. ಪಾಂಚರಾತ್ರಾಗಮ ವಿದ್ಯಾರ್ಥಿಗಳ ಕ್ರಮಬದ್ಧ ವ್ಯಾಸಂಗಕ್ಕಾಗಿ ಪಾಂಚರಾತ್ರಾಗಮ, ಸಾಹಿತ್ಯ, ವೇದ, ಸ್ತೋತ್ರಗಳು, ಸೂಕ್ತಗಳು, ಜ್ಯೋತಿಷ್ಯ ಶಾಸ್ತ್ರ, ಹಾಗೂ ನಿತ್ಯಾನುಸಂಧಾನಗಳಿಗೆ ಬೇರೆ ಬೇರೆ ಅಧ್ಯಾಪಕರುಗಳನ್ನು ನೇಮಕ ಮಾಡಲಾಗಿದೆ. ಶಾಲೆಯಲ್ಲಿ ಪ್ರತಿವರ್ಷ ಪರೀಕ್ಷೆಗಳಲ್ಲಿ ಉತ್ತಮ ಪಲಿತಾಂಶ ಬರುತ್ತಿದ್ದು ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ಉತ್ತೀರ್ಣರಾಗುತ್ತಿದ್ದಾರೆ.

ನಮ್ಮ ವಿಷ್ಣು ಚಿತ್ತ ವಿದ್ಯಾರ್ಥಿ ನಿಲಯದಿಂದ ಪಾಂಚರಾತ್ರಾಗಮ ವಿದ್ಯಾಭ್ಯಾಸವನ್ನು ಯಶಸ್ವಿಯಾಗಿ ಪೂರೈಸಿಕೊಂಡು ಹೋಗಿರುವ ವಿದ್ಯಾರ್ಥಿಗಳು ನಮ್ಮ ನಾಡಿನಲ್ಲೇ ಅಲ್ಲದೆ ವಿದೇಶಗಳಲ್ಲಿಯೂ ಸಹ ಸೇವೆ ಸಲ್ಲಿಸುತ್ತಿರುವ ವಿಷಯವನ್ನು ತಿಳಿಸಲು ಹರ್ಷ ಪಡುತ್ತೇವೆ.

2022.2023 ನೇ ಸಾಲಿನಲ್ಲಿ 35 ಮಂದಿ ವಿದ್ಯಾರ್ಥಿಗಳಿಗೆ ಪ್ರವೇಶ ನೀಡಿ ಅವರಿಗೆ ಉಚಿತ ಊಟ, ವಸತಿ ಮತ್ತು ಮಾರ್ಗದರ್ಶನ ನೀಡಲಾಗಿತ್ತು. ಅವರ ಪೈಕಿ 4 ಮಂದಿ ಶೈಕ್ಷಣಿಕ ವಿದ್ಯಾಭ್ಯಾಸವನ್ನು ಮಾಡುವವರಾಗಿದ್ದರು 31 ಮಂದಿ ಪಾಂಚರಾತ್ರಾಗಮ ವಿದ್ಯಾಭ್ಯಾಸವನ್ನು ಮಾಡುವವರಾಗಿದ್ದರು.